محفل میں ہوتی ہوں لیکن دل یہ تنہا رہتا ہے

محفل میں ہوتی ہوں لیکن دل یہ تنہا رہتا ہے

بے چینی اور الجھن کا اک عجب تماشا رہتا ہے

اک گہری خاموشی میرے چاروں جانب رہتی ہے

لیکن اندر جانے کیا طوفان سا برپا رہتا ہے

جانے کون سے لمحے میں دل کون دکھا دے گا میرا

اسی لیے تو آنکھوں میں اشکوں کو دریا رہتا ہے

چاندنی راتیں بھی اب مجھ کو مدھم مدھم لگتی ہیں 

اور سحر کا رنگ بھی کچھ کچھ میلا میلا رہتا ہے

خواہش کا کوئی بھی گل کھلتا نہیں مرے آنگن میں 

اللہ جانے دل میرا کیوں محو تمنا رہتا ہے

عنبر شاہد

دسمبر کا مہینہ ........آ گیا ہے

ہمیں بھی یہ قرینہ آ گیا ہے
غمو ں کے ساتھ جینا آ گیا ہے
کہانی غم کی اوروں کو سنائی
تجھے پر کیوں پسینہ آ گیا ہے
ہیں راتیں سرد اور تنہائیاں ہیں
دسمبر کا مہینہ آ گیا ہے 
 عنبر شاہد

ہے دعا میری خد ا یا ، رحمتوں کا سا ل ہو

ہے  دعا  میری خد ا یا   ، رحمتوں  کا سا ل ہو

ختم  ہوں  سب  فاصلے  یہ  قربتوں  کا سال ہو

د رد کے مارے ہوووں کا   ا یک  تو ہی آسرا 

کرب میں ڈوبے ہووٗں  کو راحتوں کا سا ل ہو  

 علم  کی شمع جلے ہر سو مٹیں   تا ریکیا ں 

تنگ  نظری  ہو ختم ، یہ وسعتوں کا سال ہو

دے ہدایت تو ہمیں پہچان لیں ہم حق کی راہ 

سب مسلمانوں کا یا رب عظمتوں کا سا ل ہو 

اس فلک پر سب  ستارے یوں چمکتے ہی رہیں

ا ن کے دشمن کے لیے یہ ذلتوں کا سال ہو 

مفلسی کردے ختم تو ، بے بسی کو دور کر

میری  ا رض پا ک  پر یہ برکتوں کا سال ہو 

کسی سے کیا کہیں بھلا کہ کیا یہ سال دے گیا

کسی سے کیا کہیں بھلا کہ کیا یہ سال دے گیا
عروج کے تھے منتظر،مگر زوال دے گیا
وہ آفتیں ،قیامتیں تباہیاں ،مصیبتیں
خوشی ہماری چھین کر ہمیں ملال دے گیا
زمین بوس کر گیا بہار رنگ آ شیاں
خزاں کی زد میں تھے جو ایسے خدو خال دے گیا
وہ جن کے آسرے پہ ہم گزار لیں گے زندگی
وہ یاد گار لمحے ہمیں خال خال دے گیا۔
رہی ہیں جوں کی توں یہاں پہ مشکلیں عوم کی
نہ جس کا کوئی ماضی تھا ہمیں وہ حال دے گیا
ہر ایک بات برملا کہی ہے عنبر آ پ نے
تمہیں یہ سال شاعری میں اک کمال دے گیا
عنبر شاہد

تیری جانب سے مگر کوئی اشارہ بهی...... تو ہو

کب بجهے گی تشنگی.... یہ آشکارا بهی... تو ہو
ایک پل میں طے کریں گے..عشق کی سب منزلیں
تیری جانب سے مگر کوئی اشارہ بهی...... تو ہو
رات تنہائی میں عنبر آسماں.............. تکتی رہی
میری قسمت کا کہیں اس میں... ستارہ بهی تو ہو

Like                                                                                                              عننبر شاہد

ختم کر د و یہ آ گ نفرت کی

ختم کر د و یہ آ گ نفرت کی 

ختم  کر د و یہ  آ گ  نفرت  کی

دیکھو کملا رہے ہیں پھول سبھی

توڑ   ڈالو  ا نا  کے  بت  یارو

دیکھو مرجھا گئے ہیں پھول سبھی

خا ہشوں کی غلا می چھوڑ د و ا ب

دیکھو کملا رہے ہیں پھول سبھی

چھوڑو فرقوں کو،ایک ہو جائو

دیکھو مرجھا گئے ہیں پھول سبھی

یوں انگاروں کا کھیل مت کھیلو

دیکھو کملا رہے ہیں پھول سبھی

ایک ہوجائو سب جو ہو مسلم

دیکھو مرجھا گئے ہیں پھول کئی 

عنبر شاہد