مہکتی رہے بہار

سرسبز وادیاں جہاں اونچے ہیں کوہسار
لہراتی ندیاں ہیں چمن بھی ہیںُ پر بہار
ہیبت خدا کی ہے یہاں رحمت کے ساتھ ساتھ
بہتی ہے کوہسار سے جھرنوں کی آبشار
روشن ہیں اس کی راتیں حسیں چاند کی طرح
اور دن کی روشنی میں بھی سونے سا ہے نکھار
یہ نعمتیں خدا کی ہیں پائیں جو ہم نے آج
ہم بانی وطن پہ کریں جان بھی نثار
میری دعا ہے رب سے کہ ذہنوں کو دے رہائی
اے کاش کر سکیں کبھی خود پہ بھی انحصار
نظریں بری ہیں اس پہ بچا اسکو اے خدا
قائم ہے رحمتوں کا تری ہر گھڑی حصار
’’ارض وطن میں پھول کھلیں اتفاق کے
عنبرؔ دعا کرو کہ مہکتی رہے بہار‘‘